الإصدار 1.0 · سارية من 1 أكتوبر 2026 · تنطبق على موقع Sayden وعلى الخدمات التي نقدّمها لعملائنا.
توضح السياسة دي أنواع البيانات اللي بنجمعها، وليه بنجمعها، وإزاي بنحفظها ونشاركها، وإيه حقوقك عليها. بتنطبق على موقعنا وعلى خدمات أتمتة المبيعات اللي بنشغّلها لعملائنا، وبنلتزم فيها بقانون حماية البيانات الشخصية المصري رقم 151 لسنة 2020 ولائحته التنفيذية.
لو راسلتنا من الموقع أو من واتساب، بنستقبل الاسم وبيانات التواصل (رقم الموبايل أو البريد) ومحتوى رسالتك واسم الجهة. الموقع لا يستخدم كوكيز تتبّع إعلانية.
في تشغيل خدمة الأتمتة، بنعالج بيانات العملاء المحتملين الخاصة بعميلنا (الاسم، رقم التواصل، المحادثة، المنطقة، الميزانية، المواعيد) وبيانات فريق العميل (المستشارين) وسجل التوزيع والاستلام. في الحالة دي، العميل هو المتحكم في البيانات وإحنا معالج بنشتغل بأمره وبما يسمح به العقد.
سجلات تشغيل النظام، وعدّادات الرسائل، وتقارير الأداء، وحالة الأخطاء — دي بيانات بنستخدمها للتشغيل والقياس وحماية النظام.
بنعالج البيانات لتنفيذ العقد (تشغيل النظام وتقديم الخدمة)، وبناءً على موافقة موثقة من العميل وأصحاب البيانات للتواصل، ولتنفيذ التزامات قانونية، ولمصلحة مشروعة مشروعة تتمثل في تأمين النظام ومنع إساءة الاستخدام. ممنوع نستخدم بيانات عملائنا لأي غرض غير متابعة الليد والخدمة المتفق عليها.
ما بنبيعش البيانات ولا بنشاركها لأغراض تسويقية. بنشاركها بالحد الأدنى مع المعالجين الفرعيين اللازمين للتشغيل:
بنحفظ بيانات المحادثات والليدز للمدة اللي يحددها العميل في العقد، وبحد أقصى ما تسمح به الالتزامات القانونية. ولو انتهت العلاقة، بنسلّم العميل نسخة كاملة من بياناته وسجل محادثاته خلال 14 يوم عمل، وبعدها بنحذف نسخنا العاملة إلا ما يلزم قانونًا بحفظه.
لك حق الوصول لبياناتك، وتصحيحها، وحذفها، والاعتراض على معالجة معينة، وسحب موافقتك في أي وقت، وطلب نسخة قابلة للاستخدام. لو انت عميل محتمل لدى أحد عملائنا، التوجيه الأول يكون للعميل بصفته المتحكم، وإحنا بنساعده على تنفيذ الطلب. لتقديم أي طلب: hello@sayden.com، وبنرد خلال 7 أيام عمل.
بنستخدم تشفير الاتصال، وتحديد صلاحيات الوصول، وفصل بيانات كل عميل، ومراقبة الوصول للسجلات. ومحدش يقدر يضمن أمان مطلق، لكن بنلتزم بإبلاغ العميل وأصحاب البيانات بأي واقعة اختراق قد تؤثر عليهم دون تأخير وباتخاذ إجراءات الاحتواء.
بعض المعالجين الفرعيين (زي خدمات السحابة والذكاء الاصطناعي) ممكن يكونوا خارج مصر. في الحالة دي بنلتزم بضمانات تعاقدية مناسبة لحماية البيانات، وبنبلّغ العميل بالمعالجين المستخدمين عند الطلب.
موقعنا لا يستخدم كوكيز للتتبّع الإعلاني. لو استخدمنا لاحقًا أي أدوات تحليل، هنبلّغ بيها هنا وبنمنحك اختيار الرفض.
أي تغيير جوهري في السياسة دي بنبلّغ بيه العملاء قبل 30 يومًا من تطبيقه. للاستفسارات وطلبات الخصوصية: hello@sayden.com · +20 100 000 0000.